السبت، 25 يونيو، 2016

ضمينــــــــــــــــي

 ضمينــــــــــــــــي

ضُمينى نسينى الوجود 
يا حُب فاق الحدود
خلينى أعيش الحياة
ضمينى يا أحلى الورود
هاتي اديكي فــ ادية
خلى عنيكى فــ عنية 
وتعالى نحلم ببكرة
ونبعد عن الأسية
*****
خلى رعشة اديكى 
تدفى رعشة ادية
تعالى نحضن الأيام 
ونعوض كل اللى فاتنا
تعالى ننسى اللى كان
ونعيش على ذكرياتنا
ضمينى يا حلم عمرى
حسسينى الأمان
ضُمينى نسينى الوجود 
يا حُب فاق الحدود
خلينى اعيش الحياة
ضمينى يا أحلى الورود
*****

خلى الحضن بينا 
هو أحلى مكان
ضمى حنينى باديكى 
خلى الشاهد عنيكى
على قلبى اللى عاشقك
وحياتى اللى ليكى
ضمينى نسيتنى الوجود 
يا حب فاق الحدود
خلينى اعيش الحياة
ضمينى يا أحلى الورود
*****
سعيد وحشة

هناك تعليقان (2):

  1. كل شىء هنا مختلف
    النص - بالنسبة لي - مختلف
    ربما لاول مرة اقرأ لك بالعامية ، ولكن ايضا الاسلوب مختلف
    نحن امام مبدع بكل المعاني

    تحياتي

    ردحذف
    الردود
    1. حاول تفتكرني
      أشكرك أخى العزيز
      أشكرك على رأيك : أتمنى دائما أن كلماتى المتواضعة تنال القبول
      كل التحية والتقدير

      حذف